Bisedat mes banorëve vazhdojnë për orë të tëra, duke bërë shaka e duke menduar për ide për lojëra. Loja e parë e tyre është ajo me pantonime, duke u argëtuar së bashku.
Më vonë Eldora, Marselini dhe Elena hyjnë brenda dhe fillojnë bisedat mes tyre. Eldora e pyet Elenën për jetën private. Ajo tregon se është e lidhur me dikë që para një viti e gjysmë dhe para lidhjes ajo e ka pasur shok shumë të mirë.
Pas pak atje shkon edhe Iliri, i cili fillon ta ngacmojë sërish Elenën, duke thënë se ajo duket si anoreksike, por Eldora mendon ndryshe. Ajo thotë se është fiks në përmasat trupore që duhet të ketë një modele. Kështu, ata fillojnë të diskutojnë për peshën dhe përmasat ideale trupore.
Marselini dhe Elena fillojnë të bëjnë sërish thashetheme për njërin nga banorët, këtë herë për Anaidin. “Nganjëherë më duket si antipatik”, shprehet Elena. “Duhet ta ndash mendjen se çfarë mendon”, i thotë Marselini. Ajo shton se i duket akoma kohë për të krijuar nj ide të saktë.
